與叉叉、盈的飯局推遲, 其實反而幾好
因為, 終於可以在婚後, 首次同老公o係香港享受一個輕鬆週末!

老公七點幾就出門, 為要上就要返學開會
老婆就舒服訓到十點~
將就一下, 等我出到又一城陪你食lunch啦~
(講到咁偉大, 真相係為i.t. sale呀!!!)

老公好好, 一早拎到位, 不過多人王家沙都要等10分鐘呀

擔擔水餃係意想唔到的好味道, 正呀

醬燒排骨炒年糕的甜味吸引, 但年糕唔夠軟糯, 而且食多真係超漏呀!!

好別緻的湯丸, 竟然做到小籠包形, 仲要極好食添
搞到老公同我爭食, 哼!!

之後行做緊sale的royal albert, franc franc同it, 靚係靚, 不過價錢並唔吸引喎
想買o既野買唔到, 不過終於的起心肝去換左2條新鍊
俾老公搶左張單去埋添, 多謝老公再次送禮物俾我呀!

始終未適應都會感覺, 同老公都唔想再行商場, 考慮一輪決定改去錦田玩下~
原來由錦上路一出, 就見到極多市集, 幾有風味架!

再行入D, 另一個紅磚屋市集, 感覺好似脫離左香港!!
雖然唔係樣樣都o岩, 但都有少少收穫, 好開心呢

此外, 又被隻恐龍吸引左, 去左主打健康有機食品的紅菜頭食tea~~

夜晚就返天水圍, 同老公睇返婚禮DVD, 感覺好溫馨~
好鍾意咁relax的日子, 希望忙埋返去擺酒, 同手信餐等後, 可以多D再去郊區散心!

P.S. 網主會繼續維持有限度blog update, 直至....???
我諗, 等遊記, 食評都清哂先啦~