Oli
真係返呀?星期日趕唔趕得切落黎架?
28
12.2012
12.2012
Merry Christmas with Matthew, 2012
終於補記哂所有的試食, 今晚可以記錄一下今個聖誕發生左咩事~~~ 
12/24平安夜, 返完深圳 (後記) 的Matthew無懼寒風, 與爸媽一齊參興報佳音活動!!
12/24平安夜, 返完深圳 (後記) 的Matthew無懼寒風, 與爸媽一齊參興報佳音活動!!
爸B有份彈結他!! 好型呀~~~ 不過事奉的代價係隻手爆哂缸, 好慘!!
無論排練幾多次都好, 其實最正最吸引都係小朋友清脆悅耳的歌聲~~~
12/25 聖誕正日, 當然要返教會參加佈道會, Matthew一抵埗又成為焦點啦!!
依位姐姐想搶鏡喎!!!!
好動豬邊食邊玩, 辛苦了餵食的媽媽了.....
嫲嫲為了心肝寶貝, 都有來參加聚會.....
當日巧遇比自己更熱情的2歲柏勤, Matthew仔被人熊抱!!!
Matthew「哥哥, 我知我好靚仔, 不過請你控制下自己好喎~~~~」
過左一陣, 2個B又friend返哂~~ 其實咁睇真係覺得佢地差不多大, 估唔到Matthew細咁多呢!
天呀... 我仲餵完Matthew... 為人媽媽真係辛苦!!
好不客易, 氹到BB訓啦.............. 依個睡相, 令媽媽忍唔住鍚了好多好多啖啊!!
佈道會後, 直落就係團契小組的聖誕大燒烤~~ 是晚假翹翠峰私家燒烤場, 環境好正喎!
當晚有多款美食, 不過大家一致認為最正都係脆脆豬仔包!!!
Matthew仔都有食~~~~ (兩父子個頭型一模一樣呀!!!!)
Matthew又俾人抱去影相了~~~~
大家估下邊個BB大D? 答案: 左手邊的B女比Matthew大成8個月架!!
註: 以上活動照片由岑氏伉儷以超專業大機5D mark 3拍攝, 在此致謝~~~
12/26 Boxing Day, 亦係假期最後一日 (點解過得咁快?!?!
)就去了張氏伉儷在泓景臺的新居搞house-warming兼Xmas Party~~~
Matthew「依度個view一流呀!! 可唔可以放我落去游下水呢??」
每次同依班食友聚會, 總會瘋狂的掃食, 哈哈~~~
不過是日因為雙B lunch (後記) 遲到了, 好多野食已開封, 所以借用CEO的靚相!
jj買來的超靚超吸引macarons呀!!! 黎到之時仲有4件, 大家都算好有良心了~~
大胃帶來的龍島朱古力
其餘的唔知邊個打邊個添... 總之係Godiva的Truffle朱古力啦~~~
台灣鳳梨酥... 應該係Intern Y.的手信了~~~
仲有法國Fauchon的朱古力~~~
仲有好多黎唔切介紹, 不過依樣一定唔可以miss --- 張太親手炮製的美味蝦多士!
好飽, 玩一陣card games先~~~
小休一陣, 又有更多的美食上場----東海堂的log cake, 估唔到咁美味, 冇得懲罰CEO添!
又係張太炮製的美味牛肋骨, 出了3 round, 每次都9秒9清碟!!
肉醬螺絲粉又係搶手貨, 總共出了4-5兜, 最後一兜大家先放慢手腳--- 飽喇~~~
仲有cream cheese焗雲吞... Matthew都食到lam lam脷~~~~
繼續甜食, 東海堂另一焦糖海鹽蛋糕, 估唔到又係好好好食喎!!!
張太真係好堅, 又整了Tiramisu款待大家, 成品酒香濕潤, 好正呀!
仲有超大個的蛋糕果子蛋糕, 我地連1/4都食唔到, 就全部被打殘哂啦~~~
其實仲有好多窩心的聖誕禮物..... 真係多謝哂每一位呀~~~
又送上Matthew signature Nike eyebrow俾大家致意啦!
BTW, 今晚我地一家三口會回惠州嫲嫲老家... 之後星期日再見大家!!
發表於2012.12.28
甜魔媽媽Yan | 留言: 2